உடல் ஆரோக்கியத்திற்கு உகந்த முளைகட்டிய வெள்ளை கொண்டைக்கடலை சூப் செய்வது எப்படி?

உடல் ஆரோக்கியத்திற்கு தினமும் சூப் குடிப்பது மிகவும் நல்லதாகும். அந்தவகையில் கொண்டைக்கடலை உடலுக்கு மிகவும் உகந்தது ஆகும்.

இன்று முளைகட்டிய வெள்ளை கொண்டைக்கடலையில் சூப் செய்வது எப்படி என்று பார்க்கலாம்.

தேவையான பொருட்கள்:

• முளைகட்டிய வெள்ளை கொண்டைக் கடலை - 1 கப்
• பூண்டு - 3 பல்
• மிளகுத்தூள் - சிறிதளவு
• பெரிய வெங்காயம், தக்காளி - தலா 1
• பால் - 100 மில்லி
• வெண்ணெய் - 3 டீஸ்பூன்
• உப்பு - தேவைக்கு

செய்முறை:

தக்காளி, வெங்காயத்தை பொடியாக நறுக்கி கொள்ளவும். குக்கரில் வெண்ணெய் ஊற்றி அது சூடானதும் வெங்காயம், பூண்டை போட்டு வதக்கவும்.

வெங்காயம் நன்றாக வதங்கியதும் தக்காளியை சேர்த்து வதக்கவும். தக்காளி நன்கு வதங்கியதும் கொண்டைக்கடலை, உப்பு சேர்த்து கிளறவும்.

பிறகு போதுமான அளவு தண்ணீர் ஊற்றி குக்கரை மூடி 6 விசில் வந்ததும் இறக்கவும். அது ஆறியதும் கொண்டைக்கடலை கலவையை மிக்சியில் போட்டு அரைத்துக்கொள்ளவும்.

பிறகு தேவையான அளவு நீர் சேர்த்து மீண்டும் கொதிக்கவிடவும். ஓரளவு கெட்டியானதும் பால் ஊற்றி கொதிக்கவிட்டு இறக்கவும். கடைசியாக இறக்கி மிளகு தூள் தூவி ருசிக்கலாம்.

அருமையான முளைகட்டிய வெள்ளை கொண்டைக்கடலை சூப் தயார்.

(Date: 11.09.2019)


Sponsored:

Find Location/Map: உங்கள் அன்புக்குரியவர்கள், கனவர், மனைவி, குழந்தைகள், உறவினர்கள், நண்பர்கள், நிறுவன ஊழியர்கள் இலங்கையில் எவ்விடத்தில் உள்ளனர் என்பதை அவ்வப்போது அறிந்து கொள்ள விரும்புகின்றீர்களா? விபரங்களுக்கு கீழ் காணும் Video வைப் பார்க்கவும்.

You may also like ...

பேஸ்புக்கில் வாட்ஸ் ஆப் ஸ்டேட்டஸினை ஷேர் செய்வது எப்படி?

இவ் வருடத்தின் ஆரம்பத்தில் வாட்ஸ் ஆப்பினையும், பேஸ

ஒரே மாதத்தில் 3 கிலோ வரை உடல் எடை குறைக்கனுமா? சூப்பர் டிப்ஸ் இதோ!

உடல் எடையினை குறைக்க நினைப்பவர்கள் காலை உணவாக சத்த

புதிய தொகுப்புகள்