×

Error

There was a problem loading image data-recovery.jpg

இங்கிலாந்து - நியூசிலாந்து அணிகள் மோதும் உலகக் கிண்ண கிரிக்கெட் தொடரின் 41-வது லீக் செஸ்டர்-லீ-ஸ்ட்ரீட்டில் உள்ள மைதானத்தில் நடைபெற்றது. இங்கிலாந்து அணி தலைவர் மோர்கன் நாணய சுழற்சியை வென்று துடுப்பாட்டத்தை தேர்வு செய்தார்.

அதன்படி இங்கிலாந்து அணியின் ஜேசன் ராய், பேர்ஸ்டோவ் ஆகியோர் தொடக்க வீரர்களாக களம் இறங்கினர். இருவரும் தொடக்கம் முதலே அதிரடி ஆட்டத்தை வெளிப்படுத்தினர்.

இங்கிலாந்து 123 ஓட்டங்கள் எடுத்திருக்கும் போது ஜேசன் ராய் 60 ஓட்டங்கள் சேர்த்து ஆட்டமிழந்தார். சிறப்பாக விளையாடிய பேர்ஸ்டோவ் சதம் அடித்து 106 ஓட்டங்கள் எடுத்திருந்து நிலையில் ஆட்டமிழந்தார். இறுதியில் இங்கிலாந்து 50 ஓவரில் 8 விக்கெட் இழப்பிற்கு 305 ஓட்டங்கள் சேர்த்துள்ளது.

306 ஓட்டங்கள் அடித்தால் வெற்றி என்ற இலக்குடன் களமிறங்கிய நியூசிலாந்து அணிக்கு ஆரம்பமே அதிர்ச்சி காத்திருந்தது.

தொடக்க வீரர்கள் நிக்கோலஸ் ஓட்டங்கள் எதுவும் எடுக்காமலும், மார்டின் கப்தில் 8 ஓட்டங்களிலும் தங்கள் விக்கெட்டுகளை பறிகொடுத்தனர். அதன்பின் இறங்கிய தலைவர் வில்லியம்சன் 27 ஓட்டங்களில் வெளியேறினார். சற்று நிலைத்து நின்று ஆடிய டாம் லாதம் அதிகபட்சமாக 57 ஓட்டங்கள் அடித்தார்.

இறுதியில் நியூசிலாந்து அணி 45 ஓவரில் அனைத்து விக்கெட்டுகளையும் இழந்து 186 ஓட்டங்கள் மட்டுமே எடுத்தது.

இதன் மூலம் இங்கிலாந்து அணி 119 ஓட்டங்கள் வித்தியாசத்தில் நியூசிலாந்தை வீழ்த்தி அபார வெற்றி பெற்றது. இங்கிலாந்து தரப்பில் அந்த அணியின் மார்க் உட் அதிகபட்சமாக 3 விக்கெட்டுகளை வீழ்த்தினார்.

நியூசிலாந்துக்கு எதிரான இந்த வெற்றியின் மூலம் இங்கிலாந்து அணி உலகக் கிண்ண கிரிக்கெட்டின் அரையிறுதி சுற்றுக்கு முன்னேறியது.

(Date: 04.07.2019)


Sponsored:

Find Location/Map: உங்கள் அன்புக்குரியவர்கள், கனவர், மனைவி, குழந்தைகள், உறவினர்கள், நண்பர்கள், நிறுவன ஊழியர்கள் இலங்கையில் எவ்விடத்தில் உள்ளனர் என்பதை அவ்வப்போது அறிந்து கொள்ள விரும்புகின்றீர்களா? விபரங்களுக்கு கீழ் காணும் Video வைப் பார்க்கவும்.

இலங்கை - தென்ஆப்பிரிக்கா இடையிலான போட்டி செஸ்டர்-லி-ஸ்ட்ரீட் ரிவர்சைடு மைதானத்தில் நடைபெற்றது.

இந்தியா - பாகிஸ்தான் அணிகள் மோதும் உலகக் கிண்ண தொடரின் 22-வது லீக் ஆட்டம் மான்செஸ்டரில் நேற்று இடம்பெற்றது.

உலகக் கிண்ண கிரிக்கெட் தொடரின் இலங்கை அணிக்கு எதிரான போட்டியில் அவுஸ்திரேலிய அணி 87 ஓட்டங்களால் வெற்றி பெற்றுள்ளது.

முதலில் துடுப்பெடுத்தாட அழைக்கப்பட்ட அவுஸ்திரேலியா சார்பாக டேவிட் வோனர் மற்றும் அணித்தலைவர் ஏரோன் பிஞ்ச் ஜோடி முதல் விக்கெட்டுக்காக 16.4 ஓவர்களில் 80 ஓட்டங்களைப் பகிர்ந்தது.

இலங்கை மற்றும் ஸ்கொட்லாந்து அணிகளுக்கு இடையிலான இரண்டாவது ஒருநாள் போட்டி இன்று எடின்ப்ரோ மைதானத்தில் இடம்பெறுகின்றது.

புதிய தொகுப்புகள்