IPL 2019: மும்பை இந்தியன்ஸ் அணி வெற்றி!

மும்பை இந்தியன்ஸ் அணியின் லசித் மலிங்கவின் அபாரமான பந்துவீச்சு ஆற்றலால் ரோயல் செலஞ்சர்ஸ் பெங்களூரு அணி நேற்று ஏழாவது தடவையாகவும் தோல்வியடைந்துள்ளது.

மும்பை இந்தியன்ஸ் அணிக்கு எதிரான நேற்றைய ​போட்டியில் ரோயல் செலஞ்சர்ஸ் பெங்களூரு அணி முதலில் துடுப்பெடுத்தாடியது.

20 ஓவர்கள் நிறைவில் பெங்களூரு அணி 7 விக்கெட்களை இழந்து 171 ஓட்டங்களை பெற்றது.

ஏ.பி.டி. வில்லியர்ஸ் 51 பந்துகளில் அதிகபட்சமாக 75 ஓட்டங்களையும் மொயின் அலி 32 பந்துகளில் 5 சிக்ஸர்கள் உள்ளடங்கலாக 50 ஓட்டங்களையும் விளாசினர்.

பார்திவ் பட்டேல் 28 ஓட்டங்களை பெற்றதுடன் ஏனைய வீரர்கள் மிகக்குறைவான ஓட்டங்களுக்கு ஆட்டமிழக்கச் செய்யப்பட்டனர்.

பந்துவீச்சில் லசித் மாலிங்க 4 விக்கெட்களை வீழ்த்தினார்.

172 ஓட்டங்களை வெற்றியிலக்காக கொண்டு பதிலளித்தாடிய மும்பை இந்தியன்ஸ் அணி 19 ஓவர்களில் 5 விக்கெட் இழப்பிற்கு வெற்றியிலக்கை அடைந்தது.

குயின்டன் டி கொக் 40 ஓட்டங்களை அதிகபட்சமாக பெற ஹர்திக் பாண்டியா 37 ஓட்டங்களை பெற்றார்.

ஏனைய வீரர்கள் குறைவான ஓட்டங்களுக்கு ஆட்டமிழக்கச் செய்யப்பட்டாலும் 19 ஓவர்களில் மும்பை இந்தியன்ஸ் அணி வெற்றியிலக்கை அடைந்தது.

(Date: 16.04.2019)

You may also like ...

இலங்கையை வீழ்த்தி அவுஸ்திரேலியா அபார வெற்றி!

இலங்கை மற்றும் அவுஸ்திரேலியா அணிகளுக்கு இடையிலான ம

தென்னாபிரிக்காவிற்கு எதிரான போட்டியில் இந்தியா வெற்றி!

தென்னாபிரிக்காவுக்கு எதிரான இரண்டாவது சர்வதேச இருப

புதிய தொகுப்புகள்