1497 Km தூரம் சைக்கிள் ஓட்டிய அமெரிக்க தாத்தா

சாதனை முயற்சிக்கு வயது ஒரு தடையல்ல என்பதை நிரூபித்திருக்கிறார், அமெரிக்காவைச் சேர்ந்த 90 வயதான பெர்த் பிளெவன்ஸ். சைக்கிள் பந்தயத்தில் அதிக ஈடுபாடு கொண்ட பிளெவன்ஸ், கென்சுக்சியில் இருந்து புளோரிடா வரையில் 1497 கி.மீ. தூரம் சைக்கிள் பயணம் செய்ய திட்டமிட்டார். இதுபற்றி தனது குடும்பத்தினரிடம் தெரிவித்தபோது, குடும்ப உறுப்பினர்கள் அவருக்கு ஊக்கம் அளித்தனர்.

இதையடுத்து, தனது சாதனைப் பயணத்துக்காக பிரத்யேகமாக 3 சக்கர சைக்கிளை தயாரித்தார். சாய்ந்து கொண்டு ஓட்டக்கூடிய வகையில் தயாரிக்கப்பட்ட அந்த சைக்கிளில் ஆகஸ்ட் 20-ம்தேதி தனது பயணத்தை தொடங்கி, கடந்த வெள்ளிக்கிழமை நிறைவு செய்தார்.

21 நாட்களில் பயணத்தை வெற்றிகரமாக முடித்த பிளெவன்சுக்கு அவரது குடும்பத்தினரும், நண்பர்களும் வாழ்த்து தெரிவித்தனர். நெடுஞ்சாலைகளில் அவரது மூன்று சக்கர சைக்கிளுக்கு அனுமதி கிடைக்காததால் கூடுதல் நாட்கள் ஆனதாக கூறப்பட்டுள்ளது.

பெர்த்தின் இந்த பயணத்தின்போது பாதி தூரம் வரையில் அவரது மகனும், அடுத்த பாதி தூரம் மகளும் பாதுகாப்புக்கு சென்றனர். வழியில் ஓட்டல்களில் தங்கி சிறிது நேரம் ஓய்வெடுத்தார். மேலும் அவரது சாதனைப் பயணத்தைப் பாராட்டு தெரிவிக்கும் பார்வையாளர்களுடன் புகைப்படம் எடுத்துக்கொண்டார்.

தனது பயணத்தை நிறைவு செய்த உற்சாகத்தில் இருந்த பெர்த், தன்னால் முடியும் என்று நினைத்ததால், சோர்வே தெரியவில்லை என்று கூறினார்.

 

You may also like ...

தற்கொலைத் தாக்குதல் நடத்தத் திட்டமிட்ட அமெரிக்க சிப்பாய் கைது!

லொஸ் ஏஞ்சல்ஸ் நகரில் தற்கொலைத் தாக்குதல் நடத்துவதற

அமெரிக்க நிறுவனம் பறக்கும் மோட்டார் சைக்கிள்களை உருவாக்கி வருகிறது!

பறக்கும் மோட்டார் சைக்கிளை உருவாக்கி வருவதாக அமெரி

புதிய தொகுப்புகள்