நோயின்றி ஆரோக்கியமாக வாழ தினமும் கடைபிடிக்க வேண்டியவை...

வாழ்நாள் முழுவதும் நோயில்லாமல் இருக்க பின்பற்ற வேண்டியவைகள் சில செயல்களைப் பற்றி பார்ப்போம்.

தினமும் கடைபிடிக்க வேண்டிய செயல்கள்

• காலையில் எழுந்தவுடன் உங்கள் கைளை நீட்டுவீர்கள் முதுகை பின்புறம் வளைத்து கழுத்தினை இருபுறமும் சில நிமிடங்கள் திருப்புவதின் மூலம் உடலில் ரத்த ஓட்டம் சீராகி முதுகு வலியினை நீக்கும்.

• சாப்பிடும் போது சாப்பாட்டில் கவனத்தை வைக்க வேண்டும். நம் பார்வையும் கவனமும் வேறு எங்கும் இல்லாமல் உணவை உற்று நோக்கி சாப்பிடவேண்டும்.

• உணவு உண்ணும்போது மன உளைச்சல், சண்டை, கோபம் போன்ற உணர்ச்சிகள் இல்லாமல் பார்த்துக்கொள்ள வேண்டும்.

• தினமும் உங்கள் ஆன்மாவோடு அல்லது உங்கள் மனதோடு பேசுங்கள், இப்படி தினமும் பேசுவதின் மூலம் உங்களின் உடல் ஆரோக்கியம் சீராக இருக்கும்.

• உணவு, உறக்கம், உழைப்பு, ஓய்வு, உடற்பயிற்சி, உறவு ஆகியவை சரியாக வைத்திருப்பதே உடல்நலத்திற்கு மிக முக்கிய காரணியாகும்.

• 20 வயதிற்குப் பிறகு மருத்துவ ஆலோசனை படி உங்களுக்குத் தேவையான வைட்டமின்களை அவசியம் எடுத்துக் கொள்ளுங்கள்.

• தினமும் உண்ணும் உணவில் மிளகு, பட்டை, வெங்காயம், பூண்டு, வெங்காயத்தாள் இவற்றினை முடிந்தவரை அடுப்பில் சமைக்காது எடுத்துக் கொள்வது மிக நல்ல பலனை அளிக்கும்.

• தக்காளியில் உள்ள லைகோபேன் புற்று நோயையும் எதிர்க்கும் சக்தி படைத்தது. மேலும் இதில் வைட்டமின் சி நிறைந்தது, எனவே தினமும் இரண்டு தக்காளியினை முடிந்தவரை சமைக்காத உணவாக சேர்த்துக் கொள்ளுங்கள்.

•  நார்ச்சத்து மிகுந்த தானியம், கொட்டைவகைகள், வாழைப்பழம் இவை மூளையில் செரடோனின் சுரக்கச் செய்யும். செரடோனினே ஒருவரை நல்ல ஆக்க உணர்வாக இருக்க செய்யும்.

• படுக்கையில், தலைமாட்டில் செல்போன் போன்ற கதிர்வீச்சுக்கள் உள்ளவற்றை வைத்துக்கொள்ளாமல், வேறு அறையில் அல்லது தூரத்தில் வைத்துவிட வேண்டும்.

• தினமும் அரை மணி நேரமாவது நடக்க வேண்டும் அல்லது தினமும் சில நிமிடங்கள் நன்கு வேகமாக நடக்க வேண்டும்.

• அதிக வெள்ளைப் பொருட்களை தவிர்ப்பது நல்லது என்று பரிந்துரைக்கின்றனர். அரிசி, மாவு, சர்க்கரை இவற்றினை முடிந்தவரை தவிர்த்து விடுங்கள்.

• 40 வயதினை கடந்தவர்கள் வைட்டமின் டி தேவையா என்பதினை அறிந்து எடுத்துக் கொள்ளுங்கள். சாப்பிட்டவுடன் ஸ்வீட் சாப்பிடும் பழக்கத்தினை விட்டு விடுங்கள்

• 10-15 நிமிடங்கள் வரை காலை அல்லது மாலை சூரிய ஒளி உடலில் பட வேண்டும்.காலை அரிசி உணவு, மதியம் அரிசி உணவு, இரவு அரிசி உணவு என்று இல்லாமல் பல வகை உணவுகளை மாற்றி மாற்றி எடுத்துக் கொள்ளுங்கள்.

You may also like ...

சிறுநீரக கற்களை எளிதில் கரைக்க இதில் ஒரு பானத்தை தினமும் குடித்தால் போதும்!

கோடை காலங்களில் போதிய அளவு தண்ணீர் குடிக்காமலும்,

இந்த மூலிகை நீரை தினமும் காலையில் குடிங்க! சக்கரை நோயை அழித்து விடுமாம்!

முருங்கைக் கீரையில் அதிக இரும்பு சத்து, கால்சியம்

புதிய தொகுப்புகள்